उच्च शिक्षाक आठ टा किताबक मैथिली मेँ होयत अनुवाद

राष्ट्रीय ज्ञान आयोग, नव दिल्लीक अनुशंसा पर केँद्रीय मानव संसाधन विकास मंत्रालय नेशनल ट्रांसलेशन मिशन,मैसूर (एनटीएम) उच्च शिक्षाक आठो किताबक अनुवाद मैथिली मेँ कऽ रहल अय।इ किताब सभ अय साल दिसंबर धरि अनुदित भऽ जायत।

नेशनल ट्रांसलेशन मिशन, मैसूर द्वारा इनवर्टीब्रेट जूलाजी(प्राणी विज्ञान),हीट ट्रांसफर(भौतिकी), प्रिँसिपल आफ मैथेमेटिक्स(गणित), सिंहलेज मैकेनिकल डिजाइन(अभियांत्रिकी),फंडामेँटल आफ मोलेकुलर स्पेक्ट्रोस्कोप(रसायन विज्ञान),कालेज बाटनी(जंतु विज्ञान),एन इंट्रोडक्शन आफ द स्टडी आफ द इंडियन हिस्ट्री,पीपुल्स हिस्ट्री आफ इंडिया,जान आस्टिन द्वारा लिखिन ह्राट इज लिँग्विस्टिका किताब अनुवाद करावोल जा रहल अय।अहि मे पीपुल्स हिस्ट्री आफ इंडिया आ ह्राट इज लिँग्विस्टिका किताब अनुवाद पूरा भऽ गेल हँ।

इ किताबक अधिकतर काज मिथिला मेँ भेल जाहि मेँ मैथिलीक विद्धानक बहुत पैघ योगदान अय।जे छात्र मैथिली मेँ उक्त विषय मेँ स्नातक वा स्नातकोत्तर करय चाहत छैथ हुनका लेल इ पुस्तक सभ बेसी लाभप्रद हैत।एहन छात्र सभ के उच्च शिक्षा प्राप्त केनाय सुलभ रहतन जे अंग्रेजी नय बुझय छैथ वा अंग्रेजी मेँ नय पढ़य चाहैत छैथ।