विद्यापति केर प्रतिमा ध्वस्त

बेनीपट्टी(मधुबनी) :

शहरक बीचोबीच एसएच 52 सड़क पर अवस्थित विश्व जनकवि विद्यापति के प्रतिमा के किछु दिन पहिले देर राति एकरा अज्ञात वाहन ठोकर मारि कऽ ध्वस्त कऽ देलक हँ।ठोकर एहन जबरदस्त छल जे प्रतिमा,प्रतिमाक छज्जा आ प्रतिमा केर पाछूक पीलर खंड-विखंड भऽ गेल हँ।बहुतो दिन से बीच सड़क पर उक्त प्रतिमा खंडित भऽ पड़ल अछि मुदा अखन धरि कियौक वा कोनो संगठन एहि प्रतिमा निर्माणक लेल आगू नहिँ आयल हँ।बता दी जी पिछला बरख सेहो एकटा अज्ञात वाहन प्रतिमा के ठोकर मारि ध्वस्त कऽ दयने छल जेकर निर्माण स्थानीय जनसहयोगक माध्यमे भेल छल।बहुतो दिन सऽ महाकवि विद्यापति के ध्वस्त पड़ल प्रतिमाक निर्माण लेल अखन धरि कोनो संगठन वा किनको आगू नहिँ अयलाक बाद एकटा सवाल हुनका सभ लेल ठाढ़ भऽ गेल हँ जे मिथिला आ मैथिलीक उत्थानक बात कहैत छैथ।