गोड्डामे बनय आकाशवाणी केंद्र

देवघर/गोड्डा : गोड्डा संसदीय क्षेत्रक सांसद निशिकांत दुबे कहलनि जे देवघर आ दुमकाक संग गोड्डामे सेहो आकाशवाणी केंद्रक स्थापना होए। एकर जवाबमे सरकार दिससँ कहल गेल जे अखन देवघर आ दुमकामे एक सौ वाटक एफएम केर स्थापना कएल जा रहल अछि, जखन की गोड्डा लेल वर्तमानमे कोनो अनुमोदित स्कीम नहि अछि। सांसद निशिकांत दुबे, लोकसभामे संसदीय क्षेत्रमे आकाशवाणी केंद्रक आवश्यकता बतौबैत स्थापनाक मांग कएने छलथि। जाहि पर सरकार अप्पन पक्ष रखलक अछि। देवघर आ दुमकाक काज प्रगति पर सेहो चर्चा कएल गेल।
सरकार सभ राज्यसँ आएल प्रस्ताव पर जवाब दैत कहलक जे आकाशवाणीक योजनाक अंर्तगत सौ फीसदी आबादी केँ कवरेज देबाक अछि। 11म योजनाक अंर्तगत अनुमोदित आकाशवाणी केंद्र केँ देशमे 133 ठाम स्थापित कएल जा रहल अछि।