Saturday, March 23, 2013

मैथिलीक परामर्शदात्री समितिमे अल्पसंख्यक केँ जगह नहि

गुवाहाटी/दरभंगा : साहित्य अकादमीक नवगठित 24 भारतीय भाषाक कार्यकारिणीक बैसार गुवाहाटी स्थित होटल ब्रह्रपुत्र अशोकक मानस हालमे बीतल शुक्र केँ भेल। अकादमीक अध्यक्ष आ हिँदीक प्रसिद्ध आलोचक डा॰ विश्वनाथ तिवारी एकर अध्यक्षता केलनि। ओतय मैथिली भाषामे युवा कवि अरुणाभ सौरभ केँ हुनक पोथी 'एतबे टा नहिँ' लेल पुरस्कृत कएल गेल। एकरा संग मैथिलीक 9 सदस्यीय परामर्शदात्री समितिक प्रस्ताव केँ संपुष्ठ कएल गेल। अकादमीक कार्यकारिणी सदस्या आ मैथिलीक प्रतिनिधि डा॰ वीणा ठाकुर बतौलनि जे परामर्शदात्री समितिमे कामदेव झा, डा॰ शंकरदेव झा, डा॰ ललित झा, डा॰ अशोक कुमार झा, डा॰ कुलानंद झा, डा॰ नरेश मोहन झा, डा॰ खुशीलाल झा, डा॰ रवीन्द्रनाथ झा आ डा॰ शिव प्रसाद यादव छथि। बताबी जे एहिसँ पहिलेक परामर्शदात्री समितिमे अल्पसंख्यक समुदायक केँ रचनाकार केँ लेल गेल छल मुदा एहि बेर दलित वर्ग सँ कोनो व्यक्ति केँ नहि जोड़ल गेल अछि।

1 comment:

  1. ai me nimnvargak lok k seho shamil karbak chahi.ai se "maithili sirf brahmank bhasha thik" e afwah k samarthan bhetai achhi.

    ReplyDelete