सहरसा-दानापुर नव ट्रेनक शुरुआत भेल, जानकी आब कटिहार आ कोसी आब पूर्णिया धरि जाएत

सहरसा : रेल मंत्री सुरेश प्रभु बुध दिन रेल भवन, नई दिल्ली सं रिमोट सं गाड़ी सं. 13205/13206 दानापुर आ सहरसा क' बीच (वाया दीघा ब्रिज) नव एक्सप्रेस ट्रेनक परिचालनक शुभारंभ केलनि ओतहि कोसी एक्सप्रेस (18697/18698) क' पूर्णिया कोर्ट धरिक आ जानकी एक्सप्रेस (15283/15284) क' कटिहार धरिक विस्तारित केलनि.


दानापुर आ सहरसा क' बीच ट्रेन सहरसा सं 23.35 बजे खुजि क' भोरे 6.15 बजे दानापुर पहुंचत आ दानापुर सं 09.25 बजे खुजि क' 15.30 बजे सहरसा पहुंचत.


कोसी एक्स क' पूर्णिया कोर्ट तक विस्तार
 
18697/18698 पटना-मुरलीगंज कोसी एक्सप्रेस विस्तारित क' पूर्णिया कोर्ट धरि क' देल गेल अछि. 18697 कोसी एक्सप्रेस पूर्णिया कोर्ट सं 02.30 बजे खुजि 04.35 बजे सहरसा आ 10:25 बजे पटना पहुंचत.
18698 कोसी एक्सप्रेस पटना सं 16:55 बजे खुजि, 22:30  बजे सहरसा होइत 01:15 बजे पूर्णिया कोर्ट पहुंचत.

जानकी एक्सप्रेस क' कटिहार तक विस्तार

जयनगर-सहरसा जानकी एक्सप्रेस विस्तारित क' कटिहार धरि क' देल गेल अछि. 15283 जानकी एक्सप्रेस कटिहार सं 23:30 बजे खुजि 12:35 बजे जयनगर पहुंचत आ 15284 एक्सप्रेस जयनगर सं 04:40 बजे खुजि 14:15 बजे कटिहार पहुंचत.