मिथिलांचल मेँ खुजय केँद्रीय विश्वविद्यालय

सीपीआई(एमएल) मिथिलांचल मेँ केँद्रीय विवि के स्थापनाक मांग कयलक हँ।केँद्रीय कमेटी सदस्य सह मिथिलांचल प्रभारी धीरेन्द्र झा बीतल काल्हि प्रेस कांफ्रेँस के संबोधित करैत कहलैथ जे पटना-दिल्ली सरकार के अय मांगक पूर्ति यथाशीघ्र करबाक चाही।श्री झा कहलैथ जे ऐतिहासिक काल, मध्य काल आ अखनुका संदर्भ मेँ ज्ञान-विज्ञानक केँद्र आ बौद्दिक विमर्श के आधार पर मिथिलांचल केँद्रीय विवि के लेल सबसऽ उपयुक्त जगह अय। केँद्रीय विवि अय क्षेत्रक न्यायोचित जनाकांक्षा अय।मिथिलांचलक संग भेल नाइंसाफी आ उपेक्षाक खिलाफ आ केँद्रीय विवि के मांग पर छात्र,बुद्दिजीविक तरफ सऽ साझा अभियान चलाओल जायत।