एक सप्ताह लेल धरना स्थगित

जनकपुर : मिथिला राज्य संघर्ष समिति दिससँ रवि दिनसँ शुरु होमय वला धरना-प्रदर्शनकेँ एक सप्ताह लेल स्थगित कएल गेल अछि। जनतब दैत समितिक अध्यक्ष श्री कापड़ि कहलनि जे एहिसँ पहिले रामानंद चौक पर देल गेल धरना-प्रदर्शन आ अंतरक्रिया कार्यक्रमक बाद प्रशासनक रुखि देखबा लेल आइसँ होमय वला धरनाकेँ रोकल गेल अछि। एहि बीच प्रशासनक रुखियो स्पष्ट भऽ जाएत आ कार्यकर्त्ता लोकनि सेहो नव उत्साह सऽ भरि गेल रहता।