भागलपुर आ पटनाक बीच विमान सेवा शीघ्र

भागलपुर : मुख्यमंत्री नीतीश कुमार पटनासं भागलपुर लेल उड़ान केर प्रस्तावकेँ मंजूरी दऽ देलनि। आब डीजीसीए एयरपोर्ट ऑथिरिटी आ विमानन कंपनी स्काइ फिशरक बीच एमओयू पर हस्ताक्षर होएत।
एकर तिथि बादमे घोषित होएत। विमानन कंपनी स्काइ फिशर उड़ानक लेल शिड्यूल तय करत। अखन प्रयोगक रुपे सप्ताहमे एक दिन विमान सेवा बहाल होएत। व्यावसायिक सफलता केँ देखैत बादमे एकरा सप्ताहमे दू या तीन दिन केर कएल जा सकैत अछि।
विमानक सफल लैंडिंग कऽ लेल भागलपुर एयरपोर्टक विस्तार कएल गेल अछि। पछिला मास मुख्य सचिव केर अध्यक्षतामे भेल बैसारमे सीधा विमान सेवा शुरू करबा पर निर्णय आएल छल।