शांभवीक पिता केँ नौकरी लेल भेटल कैबिनेटक मंजूरी

पटना : शांभवीक पिता केँ बिहार पुलिस बलमे ड्राइवर के नौकरी देल जेबाक गृह विभागक प्रस्ताव केँ कैबिनेट मंगलदिन अप्पन मंजूरी देलक।
समस्तीपुर जिलाक रहनिहार शांभवीक पिता कोलकातामे टैक्सी चलाबैत छलथि। हुनक बेटीक दुष्कर्मक बाद ओतय हत्या कऽ देल गेल छल। पिछला दिन ओ मुख्यमंत्री नीतीश कुमारसं भेंट केलन्हि आ एकरा बाद मुख्यमंत्री हुनक पुनर्वासक फैसला लैत हुनका समस्तीपुर जिला पुलिस बलमे ड्राइवरक नौकरी देबाक आश्वासन देलनि। कैबिनेट निर्णय लेलक के सभ नियम आ प्रक्रिया केँ शिथिल करैत विशेष परिस्थितिमे हुनका नौकरी देल जाएत। एकरा लेल हुनका वैध ड्राइविंग लाइसेंस देबय पड़त आ ड्राइविंग टेस्ट पास करय पड़त।