मुजफ्फरपुर : भीषण गर्मी आ बरखाक कमी मिथिलामे बेसी लीची उत्पादनक उमीद केँ मारि देलक। राज्य सरकारक अधिकारीक कहब अछि जे अप्रैल आ मईमे औसत सं बेसी तापमान आ मॉनसून सं पहिले कम भेल बरखा सं लिच्चीक फसल पर असर पड़ल अछि।
एहि कारणे लिच्चीक उत्पादन सामान्य सं कम रहबाक आशंका अछि। बरखक शुरुआतमे ठंड आ तापमान धीरे-धीरे बढ़बा सं लिच्चीक फसल तैयार भेल छल। लिच्चीक फसल लेल शुरुआतमे नीक मौसम रहल छल मुद फल केँ पकबाक लेल मई मासक शुरुआती दिन मे कनिक बरखाक जरूरत होइत अछि, जे नहि भेटल। संगहि, औसत सं बेसी तापमानक कारणे कतेको इलाकमे फसल बर्बाद भऽ गेल। अखनुका हाल मे तऽ एहि बरख लिच्चीक फसलमे 20 फीसदी कमी आबि सकैत अछि।
राज्यमे औसतन 2.5-3 लाख टन लिच्चीक उत्पादन होइत अछि।
0 comments:
Post a Comment