29 जून सं सौराठ सभा

मधुबनी : ऐतिहासिक सौराठ सभा एहि बरख 29 जून सं 7 जुलाई धरि होएत। एहि 9 दिनी सभा मे बेसी सं बेसी मैथिली बर-कनिया पक्ष उपस्थित रहत, ताहि लेल काज चलि रहल अछि।

 प्राचीन काल सं चलैत आबि रहल एहि पारंपरिक वार्षिक सभा मे मैथिल ब्राह्मणक बर-कनिया पक्ष अबैत छथि आ सभा स्थल पर गोत्र-मूल आदि देख बियाह संबंध तय होइत अछि। एतय पंजीकार द्वारा सिद्धांत माने दुनू पक्षक बीच वैवाहिक संबंध विधिमान्य भऽ सकत, तेकर प्रमाण पत्र देल जाइछ आ फेर नीक दिन देखि बियाह संपन्न होइत अछि। एहि परंपरागत व्यवस्थाक रुपे सभा गाछीक बड्ड अहमियत छल मुदा आधुनिकता अन्हर मे धरोहर अप्पन प्रासंगिकता मेटा रहल अछि। सौराठ सभा केँ अक्षुण्ण रखबाक लेल कतेको सामाजिक आ सांस्कृतिक संगठन लगातार आवाज उठाबैत रहल अछि।