मुजफ्फरपुर -सीतामढ़ी क बीच नव राष्ट्रीय राजमार्ग 527C

मुजफ्फरपुर/सीतामढ़ी : मिथिलाक चारि टा जिला मे आब विकासक रफ्तार तेज भ जाएत। एही चारि जिला सं होइत नव राष्ट्रीय राजमार्ग निकलत। एकर प्रक्रिया सेहो शुरू भ गेल अछि। एहि राजमार्ग बनला सं नेपालक दूरी सेहो कम भ जाएत। एकरा संगे मुजफ्फरपुर सं सीतामढ़ीक पुपरी आ नानपुर, दरभंगाक जाले आ मधुबनीक मधवापुरक दूरी कम भ जाएत।

मुजफ्फरपुर क बोचहां (करमपुर, मझौली जगई) सं शुरू भ इ सड़क दरभंगा, मधुबनी सं होइत नेपालक सीमा सीतामढ़ी क चरौत (चंद्रशैना) मे खत्म होएत। करीब 63 किलोमीटर पैघ एहि सड़क कें 527C नाम देल गेल अछि।