विकास लेल स्थानीय आ प्रदेश सरकार क' बीच समन्वय जरूरी: मुख्यमंत्री राउत

प्रदेश नंबर 2 क' मुख्यमंत्री लालबाबु राउत कहलनि जे विकास आ समृद्धि लेल स्थानीय आ प्रदेश सरकार क' बीच समन्वय होएब जरुरी छैक. बीतल शुक्र दिन प्रदेश नंबर 2 स्तरीय गाम-पालिका राष्ट्रीय महासंघ क' पहिल प्रदेश अधिवेशन क' उद्घाटन करैत मुख्यमंत्री कहलनि, "विकास क' लेल जरुरी छैक जे स्थानीय आ प्रदेश सरकार मिलि क' काज करय. आओर कोनो विकल्प नहि छैक."

राउत कहलनि जे, "जे भी जनप्रतिनिधि छथि हुनका सभ कें दलगत मानसिकता आ प्रवृत्ति सं बाहर निकलब सेहो जरुरी छैक. भ्रष्टाचार लेल प्रदेश 2 बदनाम होइत जा रहल अछि आ ताहिलेल जनप्रतिनिधि सभकें सजग रहब जरुरी छैक."