NIA बिहारमे खोलत ब्रांच ऑफिस

पटना : राष्ट्रीय सुरक्षा एजेंसी (NIA) बिहारमे शाखा कार्यालय स्थापित करबा पर विचार कऽ रहल अछि। NIA केर महानिदेशक शरद कुमार मुख्य सचिव अशोक कुमार सिन्हा आ डीजीपी अभयानंदसं भेँट केलनि। ओ राज्यमे NIA द्वारा कएल जा रहल जांच केर मामलाक प्रगति कऽ लऽ चर्चा केलनि। ओ दरभंगा, मधुबनी, गया लगाइत लगक क्षेत्रमे जांचक बढ़ैत दायरा केँ देखैत NIA केर शाखा कार्यालय स्थापित करबाक विचार रखलनि, एहिमे बिहार सरकारक सहयोगक अपेक्षा जतौलनि आ डीजीपी अभयानंद हुनका आश्वस्त केलनि जे NIA टीम केँ बिहार पुलिस प्रशासन द्वारा हरसंभव सहयोग देल जाएत।

सूत्रक मानी तऽ उत्तरी मिथिलामे एकर ब्रांच ऑफिस खुजबाक संभावना अछि!