प्रतिक्रिया
* Ganesh Maithil
नेपाल सीमासं नजदीक होएबाक कारणे आ किछु स्वार्थी नेता लोकनि कारणे इ मैथिलाक सहनशीलताक कारणे
* Kamlesh Jha
नेपाल संग खुजल बार्डरक कारणे
* Rakesh Singh
मैथिल रोजरोटी लेल आन ठाम जाइत छथि। दोसर जल्दी केकरो शक नहि होएत, तेसर नेपाल बार्डर सोझां अछि
* Naboo Madan Jee
बांग्लादेशसं मिथिला क्षेत्रमे काफी घुसपैठ भऽ रहल अछि आ ओ सभ आसानीसं संगठन बना लैत अछि आ नेपालसं खुजल बार्डर हेबाक कारणे सेफ जोन अछि। दरभंगा, पूर्णिया, कटिहार, किशनगंज आ मधुबनी सबसं फाजिल प्रभावित अछि
* Er Tej Nath Jha
नहि मिथिलाक लोक संरक्षण दैत अछि वा नहि कोनो नेता। हम्मर मिथिलामे सभ किछु भऽ सकैत अछि मुदा देशक प्रति गद्दारी नहि। एकर एकमात्र कारण नेपालक खुला सीमा अछि जे आतंकी सभक सेफ जोन बनल जा रहल अछि। ओ तऽ धन्यवाद देबाक चाही जे SSB केँ जवान जे दिन राति सीमा पर रहैत छथि
* Ratneshwar Jha
सचेत आ शिक्षित लोकक समाजसं पलायन संगहि मदिरापानक प्रसार लोककेँ
सामाजिक सोच प्रभावित केलक। एहि पार आ ओहि पार बेटी-रोटीक संबंध अछि, अज्ञानी लोक एहि विषयमे नहि बाजथि।
*Mritunjay Guddu Shandilya
आतंकवादी सब मिथिलाक अशिक्षित युवा के ब्रेन वाश कैर के, ओकर दिमाग में देश के प्रति नफरत फैला रहल अछि! जकर कारन छियै मिथिला के गरीबी आ अशिक्षा!
* Ram Narayan Jha
गरीबी, बेरोजगारी,रोजगार और उच्च तकनिकी शिक्षा हेतु पर- प्रान्त में पलायन, विकासमे भेदभाव के कारने लालचमे युवा भटकी रहल अछि
* Santoshi Kumar
कि मिथिला आतंकिक सुरक्षित ठेकान भेल जा रहल अछि........?
उपर्युक्त विषय चर्चा मे आबि रहल अछि। कतेक सही-कतेक गलत विचारब आवश्यक अछि। कोनो जगह पर प्रथा, प्रचलन आ आतंकिक ठेकान महज किछु दिनक अथवा छोट कालखण्डक स्थिति नहि भऽ सकैत अछि। कोनो जगह पर एकमात्र सरीफ लोक तऽ रहि सकैत छथि, मुदा दुराचारी कतौ एसगर नहि रहि सकैत अछि। कियो-न-कियो स्वार्थलिप्सा मे ओकर समर्थन अवस्य करत तखनहि ओ वास कऽ सकैत अछि। मिथिला जँ आतंकिक सुरक्षित ठेकान भेल जा रहल अछि तऽ एकर पाछु कोनो एक टा कारण कहब अतिशयोक्ति होयत। सबसँ पहिलुक कारन जँ कहि तऽ समाजक ओहि सोचक दोस अछि जाहि मे परदेस मे बेसी पाई कमेनहारक प्रसंशा होइत अछि, बिना एहि बातक ग्यानक कि ओ व्यक्ति सरकारी वित्तीय सहायता अथवा वैध व्यवसायक बिना एतेक पाई कोना कमाइत अछि। (बेसी मैथिल आतंकी जे पकरैल अछि ओ रोजगारे के तलाशमे परदेस गेल छल)। रोजगारक कम अवसर प्रदान करै बला राज्य मे नवयुवकक यैह स्थिती रहैत अछि, पाई कमायल जाय, रास्ता चाहे जे हो। दोसर कारण ई अछि जे पुरवर्ती बिहार सरकार सभक (कोनो एकनहि) शासनकाल मे सत्ता-दल आ मीडीया द्वारा अपराधीक ततेक बेसी महिमा-मंडनकयल गेल जकर परिणाम अपराध केँ दोषक बदला शान बुझल जाय लागल। अपराधी केँ समाजिक बहिष्कारक बदला वोटक शक्ति दऽ पुरस्कृत कयल गेल। अपराधबोध शून्य हेबाक कारने ककरो अपराध कर सँ कोन परहेज भऽ सकैत अछि....? मैथिल (कोनो जाति विशेष नहि, सब) सतत बुद्धीजीवी भेल अछि, जँ ओकर उर्जाक सहि प्रयोग नहिहोयत तऽ नीश्चित रूपें दुष्प्रयोग होयत आ दिसाहीन भऽ "Spoiling-geneous"k काज करत। आतंकिक पक्ष मे स्वार्थलिप्सित राजनितिक पार्टिक बयानबाजी सेहो अतंकी मे शासनक भय समाप्त कऽ कानून केँ ठेंगा देखेबाक प्रोतसाहन दैत अछि। पछिला किछु समय मेसमाजिक ताना-बाना सँ ततेक बेसी छेड़-छाड़ कयल गेल जे सब मे व्यक्तिवादी सोच विकसित भऽ गेल अछि। अपन अलावा कियो भी दोसराक नीक-बेजाय घटना सँ कोनो मतलब नहि राख चाहैत छथि जकर फायदा कुकृत्य केनिहार केँ भेटि रहल अछि, अर्थात् शिक्षित आ संस्कारी लोक सभ अपना केँ Drawing-room मे ततेक बेसी सिमित कऽ लेने छथि जे समाज मे कियो सही-गलत बुझेनिहार नहि देखैत अछि। समाजिक सरोकार बला कियो व्यक्ति जँ सामने अबितो छथि तऽ हुनक मकसद वोट-राजनिती सँ इतर किछु नहि रहैत अछि। जाहि समुदाय विशेषक लोक आतंकी कार्य मे लिप्त बेसी पकरा रहल छथि ओ पूरा देसक समस्या छी मात्र मिथिले टाकनहि। एकर पाछु कारण सही शिक्षाक अभाव, धार्मिक अंधभक्ती आ उन्माद, इस्लामिक देसक प्रति लगाव आ वतनपरस्तिक अभाव अछि। बिहार पुलीसक निष्क्रीयता आ नैतिक पतन एकरा लेल ओतबेक जीम्मेदार अछि जतेक की कोनो आन कारण। नेपाल संग खुजल सीमाक जतऽ तक बात अछि तऽ ई कोनो एखने नहि खुजि गेल, सब दिन सँ खुजले छल। सुरक्षाबलक सक्रीयता बढ़बे कयल अछि। एहि सँ बेसी उत्तरदायी सीमांचलक ओ लोक छथि जे स्वार्थलिप्सा मे आतंकी केँ सरण दऽ रहल छथि। अंत मे एतबेक कहऽ चाहब जे आधुनिक युगक अंधानुकरन सँ मैथिल मे सालीनता, सभ्यता आ भयक अभाव भेल जा रहल अछि जकर कुपारिणाम सामने आबि रहल अछि। जाहि आतंकवादक आगि मे पूरा देस जरि रहल अछि ओहि धधराक किछु ताप मिथिलो मे पहुँच रहल अछि। शांत आ शीतल मिथिलाक लेल इहो ताप असह्य अछि।
.jpg/250px-Mithila_region_of_India_(Eng).jpg)
