नेता पुत्रक लॉचिंग स्थल अछि उत्तरी मिथिला

दरभंगा : पिछला 5 दशकसं उत्तरी मिथिलाक राजनीति पर जौँ गौर करी तऽ राजनीतिज्ञक वंशवादी परंपरा स्पष्ट देखाइत अछि। मंच पर अधिकांश दलक नेता वंशवादी परंपरा केँ भले उचित नहि कहैत होथि मुदा अप्पन पाल्य केँ राजनीतिमे उतारबासं नहि कोनो परहेज नहि।
एहिमे लगभग सभक दलक सहभागिता अछि। कांग्रेसक सकूर अहमदक पुत्र डॉ शकील अहमद, स्व ललित नारायण मिश्रक पुत्र विजय कुमार मिश्र, डॉ नागेंद्र झाक पुत्र डॉ मदन मोहन झा, डॉ जगन्नाथ मिश्रक पुत्र नीतीश मिश्र, स्व हरिश्चंद्र झाक पुत्र बैद्यनाथ झा, स्व नीलाम्बर चौधरीक पुत्र डॉ दिलीप कुमार चौधरी, स्व रमावल्लभ जालानक पुत्र अजय कुमार जालान, विजय कुमार मिश्रक पुत्र ऋषि मिश्र, राजकुमार महासेठक पुत्र समीर महासेठ, मो अली अशरफ फातमीक पुत्र डॉ फराज फातमी, हुकुमदेव नारायण यादवक पुत्र अशोक यादव, स्व कफील अहमद कैफीक पुत्र डॉ शाहनवाज कैफी अखन धरि एहि परंपरा केँ आगू बढ़ा रहल छथि। आब देखबाक इ अछि जे आगामी चुनावमे कतेक नेता अप्पन बेटाकेँ लॉँच करता।